Act 22 | WSK | STEP | Ale balam, “Aga singsang, aga ait alo,” mam, “aninga duap balik se ikialko.”

Acts 22

1 Ale balam, “Aga singsang, aga ait alo,” mam, “aninga duap balik se ikialko.” 2 Ale nu nongota nunga den te / (Juda nunga den te / Hebrew den te / Aramaic den te) arungu munakaram se ikiman mu suen la kutek ma muruwuman.

Se Paul balam, 3 “Ani Juda kari, Tarsus bilangerem, Cilicia sor te. Bare ani sor ewere te lagerem, se Gamaliel mu aninga kausa kari. Nu taleng girigir nanangatak ari nunga munan den ninguru aga kausam. Buta se ani Kaem kuring karikko ninguru sail tagikasam, aitak nina kowom kaoralko sail tagisan iwitata. 4 Ani kariimet Jesus ko Munan karo tuikasan mu ninguru nunga bita maguwukasam, se sang kuakasan. Ani kari ta imet ta nunga ilukasam, arungu nama talipara ningi nunga warukasam.

5 “Se Priest Supuling se supuling suen la agotala balmonko. Nuna nunga saki Damascus bagaman wore nunga tam gawa ani aisiman, se ani aolak iluwem Damascus namakasam, (Kris) kariimet imitang? / (Kris alo) nunga ilu talipirik ale arungu Jerusalem tairik se memek tamonko.

6 “Bare kowar dirmawaram mu ani Damascus nama pingi arem, se tairate nikim biya bo taiti kuali kaparam ale aga ira muram. 7 Se ani aliti dagulem, se kuring bo ikiem mu iwita aga manarukaso, ‘Saul! Saul! Awuk se ni aninga bita maguwuwasam a?’ makaso. 8 Se ani isem, ‘Kari Biya, ni awiri ya?’ maem. Se nu balam, ‘Ani Jesus, Nazareth kari, ni aga bita maguwuwasam wore.’ 9 Se kari sang ani agarak mu nikim mu aringiman, bare kari ani agarak munakawakaso mu kuring nuna me ikiman.

10 “Se ani isem, ‘Kari Biya, ani anape awuk maik a?’ Se Kari Biya balam, ‘Bares ale Damascus namarko. Umu te asele ura ni bitarko ani balem mu ka manarmonko,’ mam. 11 Se aga kari sang agiting te aga iluman agarak Damascus ningi kasu naguman, mu awuk, nikim biyala nunguningkiri se ani amatam tam.

12 “Se kari bo nup Ananias mu ani agarkukko tairam. Nu Law Den karo tuokko kari nunguningkiri. Se Juda Damascus ningi bagakasan mu nu balukasan kari ningo ko balukasan. 13 Nu ani abeta duap te sanamaram, ale balam, ‘Aga bo Saul,’ mam, ‘aitak aking loagerko!’ mam. Se tom umutang te la ani amatam tiromorom menaram se nu arigem. 14 Asele balam, ‘Anananga taleng girigir nainet alo nunga Kaem mu nika balam, se ni noko ikia gomang ningi mu ko ikiem, ale Kari Diram mu ni arigem, ale den kuring te aratam mu ni ago ikiem. 15 Ni kariimet suen biya ningi gerage ale noko dugu duap balu se, den ikiem ale mel arigem umu balu balu gerageko. 16 Se me kimi bitarko. Bares ale noko nup te anuwa to se ka memek siwu sapurukko.’

17 “Udagi ani pelerem Jerusalem ningi namerem, ale temple ningi ngatangawa, ipingira te iwita 18 ani Kari Biya arigem, se iwita aga maonam, ‘Tairate bares ale Jerusalem bitarko,” mam. “Mu awuk, imi te ni aninga den balu, bare me tamon nongomang ningi betemonko.’

19 “Se ani balem, ‘Kari Biya, nuna nongota ikisan, ani synagogue te geragakasam, ale kariimet ni ko ko nongomang ningi nunguning akaso mu nunga ilu talipakasam, ale nunga moakasan. 20 Ale tom nuna Stephen, nika dugu duap apura ko kari, mu moman se kueram, mu ani agata agotala duap te sanamiwerem, ale angamang amilmila se kari nu moawakasan mu nunga guang mel bitaruwakasam.’

21 “Bare Kari Biya aninga maonam, ‘Namarko,’ ma balam. ‘Ani ka bitirik se awar biya, ali sor saki ko kariimet ningi namarko,’ mam.”

Paul mu Rome ko kari tala

22 Kariimet Paul kuring ikiwaman la, nama den umu balam se nuna nongomang magaram, se biyala aikasan ale balukasan, “Moral se kuerukko!” makasan. “Kari suwuta mu ali imi te marak bagurukko me terong!” makasan. 23 Ale nuna ai niakasan, ale nunga guang kututuwukasan ale sisupukasan, ale ali gege bila kualala warukasan.

24 Se kager kari supuling balam se ko kager kari Paul taman ilak nunga kawam te namaman. Se aking nunga maonam, lilumomon ale duap aguwaya se kariimet uwutata ngata tuman wore ko isarmonko ma balam. 25 Se nuna lilumomonko kuting kumik tagi dingumuman se Paul kager kari supuling bo pingi bagaram mu isuam, “Nina munan bo, Rome kari nunga den ko duap me ariga tutera bare nunga lilumara ko mu ago e?” ma balam. ^{▼▼Acts 22:25-29 Paul nu Juda nunga gue te bilangaram, bare nu Rome ko citizen tala, se nuna nu kumik te uwutata betemonko me terong. Acts 16:37 ago arikko.}

26 Se supuling umutang den mu ikiam, ale namaram ko supuling biya mu maonam ale isuam, “Ni awuk meko? Kari sumu Rome kari!” 27 Se kager kari nunga supuling Paul kote namaram isuam, “Nunguningta ni Rome kari agi mu aga manaruko.”

Se Paul balam, “Se ani borta pa!” mam. 28 Se kager kari supuling balam, “Ani manga biya saperem asele ani Rome kari nunguning ko aratem bagasam.”

Bare Paul balam, “Ani mena,” mam. “Ani Rome ko diram bilangerem ale bagasam.”

29 Se kari Paul isarmon ale lilumomonko bagaman mu den mu ikiman ale tairate tagi taman. Se kager kari nunga supuling nu Paul Rome kari wore taliparam mu ko ikiam, ale agotala nguangakaso.

Paul munan bitua ko kari bibiya Sanhedrin nomokete den balam

30 Kager kari supuling Paul anapeya memek beteram se Juda alo den te atumukasan wore ko duap ikiokko. Se ukiram se mayang Paul te talipaman mu urukuman, ale priest bibiya se supuling bibiya tai biguwumonko balam. Asele Paul ilak tai kapa nomoke dugu te beteram se sanamaram.